星期五(2 Dec 2011)，收工後，嗱嗱聲收拾行李，又電召咗的士明朝車去機場。最後，到零晨大概近兩點先至上床瞓。
由於天氣太凍，唔係好瞓得著。唔夠三個鐘，大約四點半就起身去梳洗。
五點四十五分，Check過行李及證件齊全後，同老媽一齊出門口，展開兩母子嘅2011澳洲之旅了。
大概未到七點，的士已經車到我地到香港機場了。
去到澳洲航空counter附近，見到旅行社領隊。佢對咗名後，派咗有關資料。然後，自己去航空公司counter去check in及劃位。
Check in後，帶老媽去係機場內嘅大快活食早晨。之後，去指定嘅閘口等上機。
飛機大約九點二十分起飛，澳洲，我地嚟啦!!!!
哈哈!
臨近到達雪梨機場前，工作人員向乘客派發杯麵。
終於，當地時間晚上九點四十分(大約香港時間傍晚六點四十分)，到達雪梨機場了。
雪梨機場官方網頁: http://www.sydneyairport.com.au/
過海關時，由於我係老媽嘅入境卡度，話有藥帶入境。個海關詢問係乜藥? 我話俾佢知，由於老媽有血壓高，所以要帶呢d血壓藥。
佢明白後，就放行了。
澳洲對所有食物、藥物，都有嚴格入口管制。如果唔申報清楚，查出嘅話，可能會被拒絕入境。
過咗海關後，根據領隊指示，係找換店等齊所有團友。
之後，上咗旅遊巴士，出發去酒店了。
酒店位於雪梨市中心，就係Sheraton on the Park。
官方網頁: http://www.starwoodhotels.com/sheraton/property/overview/index.html?propertyID=140&language=en_US&localeCode=en_US
到達酒店，已經差唔多近十一點了。
嗱嗱聲幫老媽係呢個大堂，影相留念。
不過，由於老媽落機後，就話對腳好痛。因此，冇乜心機企係呢度影相。
之後，攞咗鎖匙後，嗱嗱聲同老媽上房去休息了。
(完)
P.S.由於已經距離呢次旅行，接近一年，可能有地方出錯或者記錯。另外，呢篇文章主要抄回係舊Blog度，只加一兩句。所以，容易完成。希望盡快完成呢個七日旅行遊記。^_^
是否第一次去澳洲呢？
回覆刪除自己也很久沒去過海外旅行了
有點羡慕
係呀! 我地第一次去澳洲呀!!! ^_^
刪除因為，老媽想去澳洲玩好耐。
係97年臨回歸時，佢想同佢嘅老友去玩。但旅行社職員老點佢地，話恐防會冇機位返香港，所以最後佢地去唔成。
點知，佢嘅老友前幾年，自己去咗澳洲玩，冇叫到我老媽一齊去。
老媽好失望!!!
另外，佢嘅老友近一、兩年相繼過去。
我見老媽咁想去澳洲玩，又見佢年紀漸大，行動仍然靈活。所以，都係襯早陪佢去一次，以免令佢成為終生遺憾。
^_^
Hey! 你唔使羨慕架!
遲D你工作上方便，囡囡又再大D，未可以一家四口去旅行。
不過，我唔知道由東京飛雪梨要幾耐呢?
香港去雪梨，大概九個半鐘。
除咗之前去杜拜(Dubai)工幹外，呢次係我暫時最長航程。