出席陪審員遴選

經過今日嘅係高等法院(High Court)嘅陪審員遴選程序，可以分享俾大家如下:

1) 收到法庭傳票，記得準時出席。

2) 到達後，先去陪審員集合處。係最高法院，位置係Canteen嘅對面間房。

3) 先睇一段短片，介紹陪審員嘅職責及遴選程序。

4) 睇完片後，由法庭文員逐一去同各人，核對身份。

5) 核對完身份後，上去要開庭嘅法庭見主審法官。

6) 到達法庭並且入座，然後主審法官，會簡介呢單乜野案件、用中文定係英文審、大概要審幾耐，等等。

7) 然後，由法庭書記，係抽獎箱內有各人名字嘅牌，抽出七個人做陪審員。

8) 每個被抽中嘅陪審員，如果想唔做，要立即同主審法官講。批唔批准，由法官決定。一般冇強而有力證據，去証明你做得陪審員嘅話，多數唔被接納。

9) 最後，被抽中果七個陪審員，進行宣誓。

10) 宣誓後，遴選程序完結。

11) 未被選中嘅陪審員，可能需要再去另一法庭，再進行另一單案件嘅陪審員遴選。

12) 直至法官宣佈，再冇另一法庭，需要陪審員後，先至可以解散。

13) 被抽中嘅陪審員，案件完結後，兩年內可以豁免再任陪審員。

14) 未被抽中嘅陪審員，可能有機會再被邀請作遴選。

由於遴選程序係法庭進行，所以唔好聽d道聽塗說嘅野，話著得爛身爛勢，就唔會被選中。

^_^