訂好酒店

終於，琴日星期六(十月十二日)，訂好咗酒店了。

之前，由於遲遲等唔到旅行社嘅回覆，幾乎訂唔到酒店。

有機票而未訂到酒店，幾乎呢個旅行要Cancel，好彩依家已經解決咗訂酒店問題，可以成行了。

今次，係十一月中一個人去大阪、京都、奈良等關西地方玩，總共十日九夜。

今次嘅目的，係睇紅葉。

97年曾經跟旅行團到過大阪一晚，但係喺去九州玩。

所以，今次先至自己第一次到關西玩。

雖然一個人玩可能悶d，但就自由自在。但就沒人幫手可以影相，呢樣野係比較麻煩。

只係擔心會怕凍咋!!!

但可以同日本朋友見面，又幾開心架。

由於太遲訂酒店，所以今次會分開住兩間酒店。

頭個七晚住係東大阪嘅長田，最後兩日返去心齋橋。

由於一個人玩，今次搭廉價航空Peach Aviation，仲係停泊關西空港二號大樓。

去程中午機，回程就晨早機。

相信最後一日係最辛苦，因為要半夜早起身同埋Check Out，趕搭第一班電車由心齋橋去難波，再轉搭南海電鐵去機場。

八點半早機，真催趕。

要慳去玩，就要付出代價。

XDDDD

期待十一月紅葉之旅!!!